Konstitusiya və Suverenlik ili çərçivəsində 8 Noyabr – Zəfər Günü münasibətilə Gədəbəy şəhəri 2 nömrəli tam orta ümumtəhsil məktəbi ərazi partiya təşkilatında tədbir keçirilib.

aia.az xəbər verir ki, tədbir birinci ümummilli lider Heydər Əliyevin və şəhidlərimizin əziz xatirəsinin bir dəqiqəlik sükutla yad edilməsi ilə başlanıb.

Daha sonra YAP Gədəbəy rayon təşkilatının əməkdaşı Anar Məmmədov çıxış edərək xalqımızın qazandığı möhtəşəm Zəfərin tarixi əhəmiyyətindən danışıb. O, qeyd edib ki, bu qələbə Prezident, Müzəffər Ali Baş Komandan İlham Əliyevin qətiyyəti və rəşadətli Ordumuzun qəhrəmanlığı nəticəsində mümkün olub. Anar Məmmədov gənc nəslin vətənpərvərlik ruhunda tərbiyə edilməsinin hər bir müəllimin və vətəndaşın müqəddəs borcu olduğunu vurğulayıb.

Məktəbin direktoru Aidə İsgəndərli çıxışında bildirib ki, 8 Noyabr Azərbaycan tarixinin ən şanlı səhifələrindən biridir və bu gün xalqımızın birlik, iradə və milli qürur günüdür.

Tədbirdə məktəbin müəllimləri — Vüqar İsmayılov, Pərviz Həsənli və digər pedaqoqlar da çıxış edərək Zəfər Gününün dövlətçilik və milli həmrəylik baxımından böyük əhəmiyyət daşıdığını vurğulayıblar.

Sonda iştirakçılar qəhrəman şəhidlərimizin ruhuna dərin ehtiramlarını bildiriblər.

• Fotolar
• Təşkilat
• Tədbir
• Gədəbəy
• Yap