“Ermənistan və Türkiyə iki ölkə arasında aviareyslərin sayının artırılması barədə razılığa gəliblər”.
“Qafqazinfo” “Sputnik Ermənistan”a istinadən xəbər verir ki, bu barədə Ermənistanın xarici işlər naziri Ararat Mirzoyan İrəvanda keçirilən “Orbeli forumu: Sülh və çoxtərəfli əməkdaşlıq quruculuğu” adlı beynəlxalq konfransda çıxış edərkən bildirib.
“Söhbət, güman ki, İstanbul və Ankaradan İrəvan və Gümrü istiqamətində reyslərin sayının artırılmasından gedir”, - o deyib.
Nazir həmçinin Azərbaycan və Ermənistan arasında münasibətlərin bərpasına da toxunub: “Azərbaycanla olan vəziyyətə gəlincə, hökumət səviyyəsində əlaqələr mövcuddur. İki ölkənin vətəndaşları arasında qarşılıqlı əlaqələrin qurulması isə zaman tələb edir”.
"Cebheinfo.az"
