Meksika Prezidenti Klaudiya Şeynbaum ictimai tədbir zamanı onu öpməyə cəhd edən bir kişi ilə bağlı hadisədən sonra rəsmi şikayət ərizəsi təqdim edib.
"Unikal" xəbər verir ki, o bu barədə gündəlik mətbuat konfransında açıqlama verib.
"Mən həqiqətən də hiss etdim ki, bu kişi tamamilə sərxoş idi. Mən bunu əvvəllər də yaşamışam - tələbə olanda, gənc olanda", - deyə o qeyd edib
Prezident digər qadınlara nümunə olmaq üçün şikayət ərizəsi təqdim etmək qərarına gəldiyini vurğulayıb. "Əgər mən bu cinayəti bildirməsəm, bütün meksikalı qadınlar hansı şəraitdə olacaq?"- deyə o əlavə edib.
"Bu baş verməməlidir; heç kimin şəxsi həyatımıza müdaxilə etmək hüququ yoxdur", - deyə Şeynbaum bildirib.
