Ayna saytına istinadən ain.az xəbər verir.
"Mən şəxsən gələn il beş ölkənin hamısına səfər etmək niyyətindəyəm"
ABŞ dövlət katibi Marko Rubio gələn il Qazaxıstan, Qırğızıstan, Tacikistan, Türkmənistan və Özbəkistana səfər etmək niyyətində olduğunu açıqlayıb. AYNA.AZ xarici mediaya istinadən bildirir ki, bu barədə Rubio Dövlət Departamentində bu ölkələrin xarici işlər nazirlərinin rəhbərlərinin iştirak etdiyi qəbulda deyib.
"Mən şəxsən gələn il beş ölkənin hamısına səfər etmək niyyətindəyəm. Bilirəm ki, bu səfər bir həftə və ya daha uzun müddət çəkəcək", - deyə diplomat əlavə edib.
ABŞ dövlət katibi qeyd edib ki, Amerika biznesləri Orta Asiya ölkələrinin bazarlarına çıxışı genişləndirməkdə maraqlıdırlar.
Rubio ABŞ hakimiyyətinin son 10 ildə regiona kifayət qədər diqqət yetirməməsindən təəssüflənib. O Donald Tramp administrasiyasının Qazaxıstan, Qırğızıstan, Tacikistan, Türkmənistan və Özbəkistanla "ikitərəfli və ya regional səviyyədə birgə işləməyə" sadiq olduğunu əmin edib.
Rubio əlavə edib ki, Ağ Ev rəhbəri bu gün Vaşinqtonda bu ölkələrin liderləri ilə görüşmək niyyətindədir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
