Bir neçə ildir ki, dodaqları böyütmə modası yox olmur - yaşından asılı olmayaraq çox qadın öz görünüşündə, çatışmazlıq kimi görünən nüansları üstünlüyə çevirəcək düzəlişlər etmək istəyir. Məlum olub ki, arzulanan effekti hətta inyeksiyalar olmadan da əldə etmək olar - 90-cı illərin dəb qadınlarının nümunəsində dodaqları karandaşla necə boyamağı bilmək kifayətdir.
HİT.az xarici mediaya istinadən xəbər verir ki, keçən əsin sonunun əsas trendlərindən biri, daha tünd bir rəng çalarlı karandaşla vizual olaraq həcmi artırmaq olan dodaq makiyajı idi. Bunu belə edirdilər - öz dodaqlarının həddindən kənara çıxaraq kontur çəkirdilər və dodaqları daha açıq rəngli parıltı ilə boyayırdılar. Bu, təkcə dodaqları daha böyük etməyə deyil, həm də pomadanı "saxlamağa" kömək edirdi - kontur sayəsində pomada yayılmırdı və qız bütün günü təzə makiyaqla gezə bilirdi.
Dodaqları necə boyamaq barədə sınaqdan çıxmış bir üsul var - onların daha böyük görünməsi üçün bazanı düzgün hazırlamaq lazımdır, əks halda hər hansı bir karandaş, hətta ən keyfiyyətlisi belə, tökülməni vurğulayacaq. Buna görə əvvəlcə dodaqlara dəri hissəciklərini çıxararaq skrab, sonra isə qidalandırıcı maska və ya gigiyenik pomada çəkirik.
Növbəti addım - dodaqlardan yağlı parıltını çıxarmaqdır. Bunun üçün onları sadəcə bir salfetkayla silmək lazımdır ki, artıq hazırlanmış üz hissəsi yumşaq və nəm olsun, ancaq sürüşkən olmasın. Sonra bir karandaş götürürük və öz dodaqlarımızın konturu boyunca, onun həddini aşmadan xətt çəkirik. Vasitəni kiçik vuruşlarla çəkmək daha yaxşıdır - davamlı bir xətt çəksəniz, makiyaqı pozmaq riski daşıyırsınız, bu, xüsusən yeni başlayanlar üçün aktualdır. İlk xətt çəkildikdən sonra nəticəni qiymətləndirin və karandaşı barmaqlarınızla bir az bulayın. Bu, dodaqların təbii xətlərini vurğulamaq üçün lazım olan ilk mərhələdir.
Bunu etməyi öyrəndikdən sonra, dodaqları karandaşla necə düzgün boyayacağınızı başa düşmək və onları böyütmək üçün 90-cı illərdən olan həmin layfhakı mənimsəməyə başlayın. Üst dodaq üzərində əvvəl çəkdiyinizdən 1 mm yuxarı və alt dodağın kənarlarında eyni qədər başqa bir xətt çəkin. İçəri doğru bulayın və güzgüyə baxın - görəcəksiniz ki, dodaqlar daha dolğun olub. Nəticəni bərkitmək və effekti gücləndirmək üçün şəffaf parıltı çəkin.
Tam olaraq nə etməmək lazımdır - bu, çox tünd karandaşdan istifadə etmək və öz dodaq xəttinizdən güclü şəkildə kənara çıxmaqdır. Belə bir qərar məyusluğa səbəb ola bilər - kobud bir görünüşünüz olar. İdeal variant - davamında şəffaf parıltı çəkiləcəksə, öz təbii dodaqlarınızın rəngindən 1-2 ton tünd olan karandaşdan istifadə etməkdir. Rəngli pomada üstünlük verən qadınlara, onun rənginə uyğun olaraq karandaş seçmək tövsiyə olunur.
Gündəlik görünüş üçün nude, karamel, çəhrayı-bej rəng çalarlarını almaq daha yaxşıdır - onlar universaldır və hər hansı rəng tipinə malik qızlara uyğun gəlir. Ancaq şəxsi tövsiyələr də var - dəri rənginiz isti tonlardadırsa, şaftalı və bej-qəhvəyi rəngli karandaşları götürün, soyuq tonlardadırsa - çəhrayı və gavalı rəngli olanları.
Samir
