Tbilisi, 7 noyabr, AZƏRTAC
Biz yeni Konstitusiya layihəsini hazırlayırıq. Düzəlişlər mərkəzsizləşdirmə, təmkin və qüvvələr balansı prinsiplərinə əsaslanır.
AZƏRTAC xəbər verir ki, bu sözləri Ermənistanın ədliyyə naziri Srbuhi Qalyan Ermənistan İctimai Televiziyasının efirində söyləyib.
Nazir deyib: "Birincisi, parlamenti gücləndirmək problemimiz var, daha sonra seçki prosedurunun dəyişdirilməsi ilə bağlı qərar var. Qərara gəldik ki, sabit səs çoxluğu ilə parlament formalaşdırmaq prinsipindən imtina edək. Bir partiyanın çoxluq təşkil etdiyi və ya koalisiya vasitəsilə parlament formalaşa bilməyəcəyi təqdirdə, ikinci tur olmayacaq. İkinci dəfə seçki keçiriləcək".
Onun sözlərinə görə, hökumətin formalaşdırılması ilə bağlı parlamentə daha geniş səlahiyyətlər veriləcək.
"Artıq Milli Assambleyanın daimi komissiyasına konkret rolun verilməsi ilə bağlı qərar qəbul olunub. Məsələn, komitə açıq iclasda nazir postuna namizədə sual verə bilər", - deyə, nazir bildirib.
Xətayi Əzizov
AZƏRTAC-ın xüsusi müxbiri
Tbilisi
