Donald Trampa yönəltdiyi kəskin tənqidləri ilə gündəmə gələn əfsanəvi aktyor Robert De Nironun ABŞ-ni tərk edəcəyi bildirilir.
Yeniavaz.com xarici KİV-ə istinadla xəbər verir ki, onun Roma meri Roberto Qualtieri tərəfindən təqdim olunan şəhərin ən yüksək mükafatı — “Lupa Capitolina” ilə təltif edilməsini böyük sevinclə qarşılaması bu iddiaları daha da gücləndirib.
Maraqlıdır ki, təxminən 20 il əvvəl İtaliya hökumətinin De Niroya oxşar bir mükafat vermək cəhdi böyük qalmaqala səbəb olmuşdu. ABŞ-də fəaliyyət göstərən “Order of the Sons of Italy in America” adlı təşkilat aktyoru “italyan mafioz obrazları üzərində karyera qurmaqda” və “italyanların imicini təhrif etməkdə” ittiham etmişdi.
Buna baxmayaraq, “Xaç atası II” və “Bomba oğlanlar” filmlərinin ulduzu İtaliyada hələ də milli qürur mənbəyi sayılır — xüsusilə də onun ulu babalarının mənsub olduğu Feratsano kəndində. Orada hər il aktyorun filmlərinə həsr olunmuş festival keçirilir.
Qeyd edək ki, De Niro ABŞ-ni tərk edən məşhurların yeni dalğasının bir hissəsinə çevrilə bilər. Bu siyahıda artıq Ellen DeGeneres və həyat yoldaşı Portia de Rossi, dizayner Tom Ford, həmçinin Ryan Qoslinq və Eva Mendes (hər biri Böyük Britaniyaya köçüb), eləcə də İspaniyada məskunlaşdığı bildirilən Eva Lonqoria var.
