İranda çirkli hava səbəbindən hər gün 161 nəfər ölür.
Bakıvaxtı.az-ın İRNA-ya istinadən verdiyi xəbərə görə, bunu İran səhiyyə nazirinin müavini Əlirza Rəisi bildirib.
Qeyd edilib ki, çirkli hava səbəbindən il ərzində 58 975 nəfər ölüb. Beləliklə, ölkədə hər saat çirkli hava ilə əlaqədar təxminən 7 nəfər ölür. Çirkli havanın İran iqtisadiyyatına gündəlik vurduğu ziyan isə 47 milyon dollara bərabər sayılır.
