Vaşinqton administrasiyası gəmiqayırma və dənizçiliklə bağlı Çinə qarşı ticarət araşdırmasını bir il müddətinə dayandırıb.
Ucnoqta.az xəbər verir ki, bu barədə ABŞ Ticarət Nümayəndəsi Ofisinin 9 noyabrda dərc olunmuş açıqlamasında bildirilib.
Sənədə əsasən, istintaq çərçivəsində bütün tədbirlər 10 noyabr gecə yarısında dayandırılacaq.
İstintaq 2024-cü ilin aprelində başlayıb və Çinin gəmiqayırma, dənizçilik və logistika sahəsində iddia edilən ədalətsiz təcrübələri ilə bağlı olub. ABŞ hakimiyyəti iddia edib ki, Çin bu sahələrdə dominant mövqe əldə etməyə çalışır.
Qeyd olunur ki, istintaqın dayandırılması Ağ Ev tərəfindən 1 noyabr 2025-ci ildə elan edilən ABŞ Prezidenti Donald Tramp və Çin Prezidenti Si Cinpin arasında tarixi ticarət və iqtisadi razılaşmalardan sonra baş verib.
