Bizimyol portalından əldə olunan məlumata əsasən, ain.az xəbər verir.
İndoneziya prezidenti Prabovo Subianto Cakartadakı məktəbdə baş verən partlayışdan sonra müvafiq qurumlara müəyyən onlayn oyunlara girişi məhdudlaşdırmağı tapşırıb.
Bizimyol.info xəbər verir ki, Respublikanın Dövlət Katibliyinin naziri Prasetyo Hadi bildirib ki, hadisəyə zorakı kompüter oyunlarının uşaqlara təsiri səbəb ola biləcəyini düşünür.
"Prezident onlayn oyunların məhdudlaşdırılmasının nəzərdən keçirilməsinin və onların mənfi təsirləri və nəticələri ilə mübarizə yollarının hazırlanmasının vacibliyini vurğulayıb", - deyə "Antara" xəbər agentliyi Hadiyə istinadən məlumat yayıb.
Nazir vurğulayıb ki, dövlət başçısının qərarı məktəbdəki bir şagirdin hadisədə iştirak edə biləcəyi ilə bağlı polis iddialarına əsaslanır. Hadi qeyd edib ki, bəzi video oyunlarda zorakı səhnələr ola bilər və yeniyetmələrin psixikasına mənfi təsir göstərə bilər.
İndoneziya paytaxtındakı məktəbdə partlayış 7 noyabrda baş verib. Şahidlərin sözlərinə görə, hadisə namaz qılınarkən baş verib. Cakarta polisinin məlumatına görə, hadisədə ölən olmayıb, lakin ən azı 96 nəfər yaralanıb.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
