Apa.az portalından əldə olunan məlumata əsasən, ain.az xəbər verir.
Pakistan Baş naziri Şahbaz Şərif bu gün İslamabadda baş verən partlayışa görə Hindistanı günahlandırıb.
APA “Al Jazeera” kanalına istinadən xəbər verir ki, Şahbaz Şərif həm partlayış, həm də Pakistan-Əfqanıstan sərhədində yerləşən hərbi məktəbə hücumda Hindistanı ittiham edib və bu iki hadisənin Hindistanın dövlət terrorizminin bariz nümunəsi olduğunu bəyan edib.
“Biz terrorizm bəlası məhv olana qədər onlara (Hindistana) qarşı müharibəni davam etdirəcəyik”, Pakistanın Baş naziri vurğulayıb.
Qeyd edək ki, bu gün Pakistanın paytaxtı İslamabadda məhkəmə yaxınlığında partlayış baş verib.
Nəticədə 12 nəfər ölüb, 27 nəfər xəsarət alıb.
Təhriki-Taliban qruplaşmasının Pakistan-Əfqanıstan sərhədi yaxınlığında yerləşən hərbi məktəbdən pakistanlı kursantları girov götürmək cəhdi isə uğursuz alınıb.
Sonrakı hadisələr barədə daha çox məlumat almaq üçün ain.az saytını izləyin.
