BAKI, 12 noyabr. TELEQRAF
İsraillə 12 günlük müharibə İrana ağır zərbə vurdu, bu, mollaların regiondakı “imperiya”sını sarsıtdı.
Teleqraf xəbər verir ki, bu barədə “The Economist” yazıb.
Nəşr bildirib ki, Yaxın Şərqdəki son müharibələr həm dəyişdirici, həm də bitiriciolub. Məqalədə qeyd edilib ki, növbəti müharibədə İsrail İranda hakimiyyəti dəyişdirməyə cəhd edəcək.
Mənbə İran və İsrailin yenidən toqquşma ehtimalı barədə yazıb:
“İkinci müharibə baş verərsə, İsrail ehtimal ki, hökuməti devirməyə çalışacaq. Amma İran inanarsa ki, İsrail rejimi dəyişdirməyi planlaşdırır, o zaman körfəzdəki qonşularına hücum edə bilər və Trampı İsraili dayandırmaqla ABŞ-nin müttəfiq ərəb ölkələrindəki sabitliyi qorumaq arasında seçim etməyə məcbur etməyə cəhd göstərə bilər”.
“The Economist” əlavə edib ki, İran lideri Əli Xamenei onilliklər boyu İsraillə müharibə və sülh arasındakı sərhəddə qalmağa və nüvə silahı hazırlamağa çalışıb: “Amma balans yaratma cəhdləri uğursuz olub, hazırda 86 yaşı olan Xamenei yolunu dəyişdirməyə də hazır görünmür. Bu məsuliyyət onun varisinə düşəcək”.
Nəşrin fikrincə, körfəz ölkələri üçün qarşıdakı il gərgin keçəcək.
