Unikal.az saytından verilən məlumata əsasən, ain.az məlumatı açıqlayır.
Fransa hakimiyyəti Telegramın təsisçisi Pavel Durovun səyahət qadağasını ləğv edib.
"Unikal" xəbər verir ki, bu qərar Durovun Fransada açılmış istintaq çərçivəsində tətbiq olunan məhdudiyyətlərin yumşaldılması kimi qiymətləndirilir.
41 yaşlı rus mənşəli sahibkar 2024-cü ildə Parisdə saxlanılıb və Fransanın hakim orqanları tərəfindən Telegram platformasının qanunsuz fəaliyyətlərlə əlaqəsi iddiası üzrə rəsmi istintaqda saxlanılırdı.
Əvvəlcə Fransanı tərk etməyə qadağa qoyulmuş Durova iyul ayında məhkəmə nəzarəti altında Birləşmiş Ərəb Əmirliklərində maksimum iki həftə qalmaq icazəsi verilmişdi. İndi isə səyahət qadağası tamamilə ləğv edilib və o, artıq Nitsa polis idarəsinə getmək məcburiyyətində deyil.
Məhkəmə mənbələri AFP-yə bildirib ki, “keçən il ərzində Durov məhkəmə nəzarəti şərtlərinə tam əməl edib”.
Pavel Durov həm Fransız, həm də Rusiya pasportlarına sahibdir və əvvəllər uşaqlara qarşı seksual zorakılığı göstərən şəkillər və digər qanunsuz məzmunun yerləşdirilməsinə imkan verən platformanın idarə olunmasında iştiraka görə ittiham olunub.
Bu qərar Durovun beynəlxalq səfərlərini daha rahat həyata keçirməsinə imkan yaradır.
Ən son xəbərləri və yenilikləri almaq üçün ain.az saytını izləyin.
