ain.az bildirir, Fanat portalına istinadən.
“Barselona” klubunun prezidenti Xoan Laporta argentinalı ulduz Lionel Messinin komandadan ayrılığı və mümkün geri dönüşü barədə açıqlama verib.
Fanat.Az xəbər verir ki, Laporta bu barədə İspaniya mətbuatına danışıb.
Xoan Messinin klubdan ayrıldığı dövrdə yaşananlara görə peşman olmadığını bildirib:
“Messinin ayrılığı zamanı yaşanan hər şeyə baxmayaraq, heç bir peşmanlığım yoxdur. Hamımız onun qalmasını istəyirdik, amma o vaxtkı şərtlər altında bu mümkün deyildi. Klubun vəziyyəti hər kəsin üzərində idi.”
Kataloniya nəhənginin rəhbəri argentinalı ulduzun gələcəkdə “Barselona”ya rəsmi şəkildə vida etməsi üçün planlar qurduqlarını da əlavə edib:
“Kluba qayıtması barədə danışmaq doğru olmaz. Bu, reallığa uyğun deyil və hazırda zamanı deyil. Amma dünyanın ən yaxşı futbolçusu bu klubla layiqli bir şəkildə vidalaşmağı haqq edir. 105 min azarkeşin qarşısında onun ‘Barselona’ya vida etməsi əla olar. Hazırda bunun üzərində işləyirik.”
Kamil Xudiyev
Abunə Ol
Hadisənin gedişatını izləmək üçün ain.az saytında ən son yeniliklərə baxın.
