"Amazon" şirkət daxilində aparılan yenidən qurulma çərçivəsində Nyu-Yorkdakı korporativ ofislərində təxminən 700 əməkdaşını işdən çıxaracağını təsdiqləyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, bu addım dünya üzrə təxminən 14 min korporativ vəzifənin ləğv edilməsini nəzərdə tutan daha genişmiqyaslı xərc azaldılması və əməliyyatların sadələşdirilməsi planının bir hissəsidir.
Manhettendəki doqquz fərqli "Amazon" ofisində ümumilikdə 660 əməkdaş işini itirəcək.
Ən böyük ixtisar "New York Tech Hub"da baş verəcək.
