ABŞ prezidenti Donald Tramp cümə günü keçirdiyi tibbi müayinənin bir hissəsi olaraq maqnit rezonans tomoqrafiyasından (MRT) keçdiyini bildirib və testi "çox yaxşı" adlandırıb.
Publika.az xəbər verir ki, bu barədə “Reuters” məlumat yayıb.
“MRT çox standart bir testdir. Sizcə, mən bunu etməməliyəm? Başqaları da bunu başa düşür... Mən MRT etdirdim. Həkim dedi ki, bu, onun tibbi karyerasında indiyə qədər gördüyü ən yaxşı nəticədir",- Tramp bildirib.
Bu həftənin əvvəlində Ağ Ev Trumpın bir ay əvvəl apardığı tibbi görüntüləmə testlərinin konkret təfərrüatlarını verməkdən imtina etdi, lakin müayinənin onun sağlamlığının əla olduğunu göstərdiyini söylədi. 79 yaşlı Tramp bundan əvvəl oktyabrın 10-da Walter Reed Tibb Mərkəzində MRT-dən keçdiyini desə də, nə özü, nə də Ağ Ev onun bədəninin hansı hissəsinin skan edildiyini açıqlamayıb.
