Idman.biz portalından əldə olunan məlumata əsasən, ain.az xəbər verir.
İslam Mahaçev Nyu-Yorkdakı UFC 322 turnirində baş tutan əsas döyüşdə avstraliyalı Cek Della Maddalenanı hakimlərin yekdil qərarı ilə məğlub edib və UFC-də iki çəki dərəcəsində də kəmərə sahib çıxıb.
İdman.Biz xəbər verir ki, bu qələbə Mahaçevə UFC tarixində iki divizionda titul qazanan 11-ci döyüşçü statusunu gətirib. O həmçinin ardıcıl 16-cı qələbəsini qazanaraq Anderson Silvanın rekordunu təkrarlayıb.
MMA ulduzları rusiyalı döyüşçünün uğurunu “RBK-Sport”a belə dəyərləndiriblər:
Həbib Nurməhəmmədov – keçmiş UFC çempionu:
“Çox xoşbəxtəm. Komandamız günü-gündən irəliləyir. Fərqli çəki dərəcələrində çempionluqlar qazanırıq. Məqsədim odur ki, onlar daha da güclənsinlər. Bunun üçün səhər-axşam çalışırıq”.
İliya Topuriya – UFC yüngül çəkidə çempion:
“Cekə yalnız güləşdən ibarət ayrıca bir hazırlıq lazımdır. Çox zəif çıxış göstərdi... Mən Mahaçevdən emosiyalar istəyirəm, amma o, bu oyunun ən darıxdırıcı döyüşçüsüdür. Günbəgün ona qarşı inamım artır”.
Ceff Monson – keçmiş UFC döyüşçüsü:
“O, artıq əfsanələr siyahısındadır. Maddalena ona heç nə edə bilmədi. Mahaçev çoxçalarlı döyüşçü olduğunu göstərdi, bu tarixi bir uğurdur”.
Merab Dvalişvili – UFC yüngül çəki çempionu:
“Yeni çempionu təbrik edirəm! Bu titul tamamilə haqq edilmiş qələbədir”.
Belal Məhəmməd – keçmiş UFC çempionu:
“Mahaçevin ikiqat çempion olmasına sevinirəm. Həbib və komandası bunu layiqincə qazandı”.
Şavkat Raxmonov – UFC-nin yarımorta çəkidə döyüşçüsü:
“Mahaçevi təbrik edirəm, əla çıxış idi. Amma bu divizionun əsl pretendentliyi hələ də mənimdir”.
Dastin Porie – keçmiş UFC müvəqqəti çempionu:
“Həbibi və İslamı təbrik edirəm. Onların nə etdiyini görmək inanılmazdır. O, özündən 15 funt ağır çəkidə kəmər qazandı. Bu, onun və komandasının böyük zəhmətinin nəticəsidir”.
İdman.Biz
Daha ətraflı məlumat və yeniliklər üçün ain.az saytını izləyin.
