Fransa millisinin qapıçısı Luka Şevalyenin DÇ-2026-nın seçmə mərhələsində Azərbaycan yığması ilə oyunda buraxdığı qol tarixə düşüb.
Tribuna.az xəbər verir ki, o, son 90 ildə yığmada debüt matçında qapısında ən tez top görən qolkiperdir.
Renat Dadaşovun qarşılaşmanın 4-cü dəqiqəsində vurduğu qol Şovalye üçün ilk olub.
Qeyd edək ki, son olaraq Fransa yığmasının qapıçısı Rene Lyense 90 il əvvəl, 1935-ci ildə debüt görüşündə eyni dəqiqədə qol buraxıb.
Xatırladaq ki, Fransa yığması oyunda 3:1 hesabı ilə qalib gəlib.
