Formula 1 komandalarına Qətərin 5,419 km uzunluğundakı “Lusail” trasında bir həftəsonu ərzində eyni təkər dəstini 25 dövrədən artıq istifadə etmək qadağan edilib.
90deqiqe.Az-ın "Planet F1"ə istinadən məlumatına görə, bu qərar təhlükəsizliyin təmin olunması məqsədilə “Pirelli” və çempionat rəhbərliyi tərəfindən verilib.
Adətən komandalar təkərlərin resursunu özləri müəyyənləşdirirlər. Lakin bu dəfə sərt limit tətbiq edilib — yarışın ümumi məsafəsinin (57 dövrə) yarısından da az. Start düzülüşünə çıxış və isinmə dövrəsində istifadə olunan təkərlər limitə daxil edilmir. Bununla yanaşı, təkərin əvvəlcədən işlədilib-işlədilməməsi də nəzərə alınacaq: əgər dəst daha əvvəl istifadə olunubsa, icazə verilən dövrə sayı müvafiq olaraq azaldılacaq.
Qətər Qran-prisi 57 dövrədən ibarət olduğundan, komandalar yarış ərzində ən azı iki pit-stop etmək məcburiyyətində qalacaqlar.
