"Ferrari" komandasının pilotu Şarl Lekler, Las-Veqas Qran Prisinin ikinci məşqi zamanı FIA-nın müfəttişləri tərəfindən araşdırma üçün çağırılıb.
90deqiqe.Az-ın məlumatına görə, 28 yaşlı sürücü məşq zamanı sükan çarxını geri qoymadığı və ERS sistemini deaktiv etmədiyi üçün cəzalandırıla bilər.
Məşqin nəticələrinə görə, Lekler üçüncü sırada qərarlaşıb, ən yaxşı vaxtı isə "Maklaren" pilotu Lando Norris göstərib.
Şarl Lekler hal-hazırda Formula-1-in şəxsi çempionatında 214 xalla beşinci sırada yer alır. "Scuderia Ferrari" komandası isə Komandalar Kubokunda 362 xalla dördüncü sıradadır.
