Parisdə dünyaca məşhur "Luvr"un səs-küylü qarətindən sonra İsveçrənin Lozanna şəhərindəki Roma Arxeologiya Muzeyi quldurların qurbanı olub.
Musavat.com xəbər verir ki, İsveçrə polisi Lozannadakı Roma Arxeologiya Muzeyində mühafizəçiyə hücum edib vitrini sındıran və nümayiş olunan onlarla qızıl sikkəni oğurlayan iki qulduru axtarır.
Məlumata görə, şübhəlilər bilet alıb digər ziyarətçilərin getməsini gözləyiblər, daha sonra mühafizəçiyə hücum edib və bağlanış vaxtına az qalmış vitrinini sındırıblar.
Oğurlanmış sikkələrin dəyəri açıqlanmayıb, lakin polis onların "arxeoloji dəyərə" malik olduğunu bildirib.
Musavat.com
