Noyabrın 21-də Yasamalda baş verən güclü yanğın zamanı həlak olan Samir Məhəmmədovun ailəsinin son durumu açıqlanıb.
Bu haqda ailənin yaxını məlumat yayıb. Bildirilir ki, 2021-ci il təvəllüdlü Məhəmməd Mikayıl və anası Marta Ramazanovanın vəziyyəti ağır olaraq qalır. Hər iki zərərçəkənə pnevmoniya diaqnozu qoyulub. Ailənin yaxını Martanın gözlərinin zədələndiyini bildirib.
Onlar özəl xəstəxanalardan birinin reanimasiya şöbəsinə köçürülüb. S.Məhəmmədovun digər övladı Danielin isə vəziyyəti qənaətbəxşdir.
