Azərbaycan 2035-ci ilə qədər binalarda təbii qazla işləyən avadanlıqlardan imtina edərək onları bərpa olunan elektrik enerjisi (BOEM) ilə işləyən sistemlərlə əvəz etməyi planlaşdırır. Yenilənmiş "Milli Səviyyədə Müəyyənləşdirilmiş Töhfələr" (NDC 3.0) hesabatına əsasən, binalarda elektrikli hava-su istilik nasosları və elektrik plitələrinin quraşdırılması nəzərdə tutulur.
Məsələ ilə bağlı Pravda.az-a açıqlama verən iqdisadçı Xalid Kərimli bildirib ki, hökumətin bərpa olunan enerjiyə keçməyinin bir sıra səbəbləri ola bilər:
“Hökumət bərpa olunan mənbələrdən elektrik enerjisinin istehsalını planlayır deyə düşünürəm. Boşalan, yəni qənaət olunan qaz yönəldiləcək xarici ixracata. İkincisi enerji dayanaqlılığı siyasətinin strategiyasının tərkibidir. Çünki neft, qaz müvəqqətidir. Üçüncüsü isə ekoloji düşüncə aspekti ilə yanaşma ola bilər”.
O qeyd edib ki, ekoloji standartların tətbiqi birmənalı olaraq xərcləri artırır: “Keçid prosesi maya dəyərini yüksəldə bilər. Təbii indiki şərtlərlə olarsa. Elektrik enerjisi sayəsində bərpa olunan enerji texnologiyaları tətbiq olunur. Bərpa olunan enerji də 10 il öncəki dövrlə müqayisədə kifayət qədər ucuzlaşıb. Ancaq 10 ildən sonra nə olacaq bilinmir. Şərtlər sürətlə dəyişir”.
Şəhanə Quliyeva
