Son günlər quru sərhədlərinin yeni ildən etibarən açılıb-açılmayacağına dair müzakirələr yenidən aktuallaşıb. Pandemiya dövründən sərhədlərin bağlı qalması həm ictimaiyyət, həm də ekspertlər tərəfindən tez-tez gündəmə gətirilir. Məsələnin iqtisadi, sosial və psixoloji təsirləri barədə müxtəlif fikirlər səsləndirilir.
EKOLOGİYA.AZ xəbər verir ki, mövzu ilə bağlı KONKRET.az-a açıqlama verən iqtisadçı ekspert Natiq Cəfərli bildirib ki, sərhədlərin açılacağı tarixlə bağlı dəqiq məlumat yoxdur.
Ekspertin sözlərinə görə, bu məsələnin nə vaxt həllini tapacağını heç kim dəqiq bilmir: “Amma açılmalıdırmı? Bəli. Azərbaycan artıq dünyada bu mövzu ilə bağlı müzakirə obyektinə çevrilib. Dünyada quru sərhədləri bağlı olan ölkə qalmayıb. Azərbaycanda da bu məsələ birdəfəlik həll olunmalıdır.”
