Polşa Milli Müdafiə Naziri Vladislav Kosinyak-Kamış, Ukraynadan yeni korrupsiya qalmaqalı ilə əlaqədar izahat tələb etdiyini bildirib. Vətəninfo.az xəbər verir ki, nazirin sözlərinə görə, Polşa və Qərbi Avropa, Ukraynanın korrupsiya ilə mübarizədə şəffaflıq göstərmədiyi təqdirdə, Avropa İttifaqına üzv olmasının mümkün olmayacağını vurğulayıb.
Kosinyak-Kamış, Ukrayna Prezidentinin Ofisinin rəhbəri Andrey Yermakın evində keçirilən axtarışlarla bağlı xəbərləri şərh edərkən, bu hadisənin nə Polşa, nə də Qərbi Avropa üçün yaxşı xəbər olmadığını bildirib. “Bu, Ukrayna üçün yaxşı xəbər deyil. Polşa və Qərbi Avropa üçün də yaxşı xəbər deyil… Korrupsiyaya qarşı şəffaflıq olmadan Avropa İttifaqına daxil olmaq mümkün olmayacaq,” – deyə müdafiə naziri qeyd edib.
Əvvəlki xəbərlərə görə, Ukraynada korrupsiyaya qarşı mübarizə aparan müstəntiqlər, Yermakın evində axtarış aparıblar. Yermak, istintaqla tam əməkdaşlıq etdiyini təsdiqləyib.
Ukraynanın Ali Radasının deputatı Yaroslav Jeleznyak, Yermakın əmlakında axtarışların “Açıq susam!” ifadəsi ilə başlandığını bildirib. Xüsusilə, NABU detektivlərinin Yermakın iş adamı Timur Mindiç ilə əlaqəsi üzərində dayandığı və işin səs-küylü korrupsiya işlərindən biri olduğu qeyd edilib. Yermakın bu əlaqəsi ilə bağlı “Əli Baba” təxəllüsü və korrupsiya işi, Ukraynada böyük diqqətə səbəb olub.
