Bu gecə MLS-in şərq və qərb konfranslarının final oyunları keçirilib və hər iki matç eyni hesabla başa çatıb – 5:1.
Publika.az xəbər verir ki, nəticədə 6 dekabrda baş tutacaq böyük finalın iştirakçıları müəyyənləşib: “İnter Mayami” – “Vankuver Uaytkaps”.
Şərq Konfransının finalında “İnter Mayami” “Nyu-York Siti”yə qalib gəlib. Floridalıların heyətində Tadeo Allende het-trik edib, Mateo Silvetti və Telasko Seqoviya isə hərəsi bir dəfə fərqlənib. Lionel Messi bir qolun ötürməsini verib “Nyu-York Siti”nin yeganə qolunu Castin Hak vurub.
