Laçın, 30 noyabr, Leyla Muradzadə, AZƏRTAC
Biz şəhərimizin və bütün Birliyin müasir tarixinin mühüm hissəsi olan bir səhifəni bağlayırıq. Geriyə baxanda nə dərəcədə nəhəng bir yol keçdiyimizi görürük.
AZƏRTAC xəbər verir ki, bu sözləri Azərbaycan Respublikası Prezidentinin Laçın rayonunda xüsusi nümayəndəsi Məsim Məmmədov Laçında keçirilən “MDB-nin Mədəniyyət Paytaxtı 2025” ilinin bağlanış mərasimində deyib.
Onun sözlərinə görə, 2025-ci il şəhərdə yeni temp ili olub. “O, bizə canlı, insani, mədəniyyət və yaradıcılıqla zəngin dialoq bəxş etdi. Mədəniyyət Nazirliyi və MDB Dövlətlərarası Humanitar Əməkdaşlıq Fondu ilə birlikdə böyük beynəlxalq tədbirlər keçirdik”.
“Bu il həm mədəni, həm də ictimai strukturlarımız arasında gələcək və dərinləşən əməkdaşlıq üçün yeni bir platformaya çevrilib”, - deyə o əlavə edib.
Prezidentin xüsusi nümayəndəsi atılan bütün addımların gələcək tərəfdaşlığın yeni təməli olduğuna əminliyini bildirib.
