Laçının bu ilin mədəniyyət paytaxtı seçilməsi işğaldan azad edilmiş ərazilərimizdə mədəniyyət dinamikasının bərpasının inandırıcı sübutuna çevrildi.
AZƏRTAC xəbər verir ki, bunu Azərbaycan mədəniyyət nazirinin müavini Fərid Cəfərov Laçında keçirilən “MDB-nin Mədəniyyət Paytaxtı 2025”in bağlanış mərasimində deyib.
Nazir müavini bildirib ki, il ərzində Laçında 15-dən çox çoxşaxəli tədbir uğurla keçirilib, bu, şəhərin və regionun mədəni dirçəlişinə əhəmiyyətli dərəcədə töhfə verib: “Bu proqramlar və tədbirlər Laçını regional mədəni əməkdaşlıq üçün dinamik platformaya çevirib”.
