Metbuat portalından verilən məlumata əsasən, ain.az bildirir.
Türkiyənin Ordu şəhərində film kimi cinayət hadisəsi baş verib.
Metbuat.az xəbər verir ki, maskalı bir nəfər qızıl mağazasından 170 bilərzik oğurlayıb.
O, planını həyata keçirmək üçün əlindəki silahla satıcını qorxudaraq, onun əl-qolunu bağlayıb. Daha sonra isə vitrindəki 170 bilərziyin hamısını əl çantasına yığaraq aradan çıxıb.
Oğrunun kimliyi masanın üzərindəki barmaq izləri vasitəsilə müəyyən edilib. Məlum olub ki, soyğunçuluq edən şəxs xüsusi təyinatlı polis əməkdaşı Cumhur Yılmazdır. O, Diyarbəkir şəhər polis idarəsində çalışır.
Keçirilən əməliyyat nəticəsində Cumhur Yılmaz həbs olunub. Onun oğurladığı bilərziklər iki gün əvvəl kirayələdiyi mənzildə aşkarlanıb və sahibinə təhvil verilib.
Faktla bağlı cinayət işi qaldırılıb.
Sonrakı hadisələr barədə daha çox məlumat almaq üçün ain.az saytını izləyin.
