ain.az, Xalq qazeti saytından verilən məlumata əsaslanaraq xəbər yayır.
AFFA-nın İntizam Komitəsi “Şamaxı”nın baş məşqçisi Ayxan Abbasovu cəzalandırıb. Bu barədə qurumun iclasında qərar qəbul olunub. Misli Premyer Liqasının XIII turunda baş tutan “Şamaxı” – “Sumqayıt” oyununun 88-ci dəqiqəsində A.Abbasov rəqib komandanın texniki zonasına aqressiv şəkildə daxil olduğuna görə cəzalandırılıb. O, 1 oyunluq diskvalifikasiya edilib, “Şamaxı” isə 2000 manat cərimələnib.
AFFA-dan verilən məlumata görə, İntizam Komitəsi “Sumqayıt”ın baş məşqçisi Saşa İliçi də “Şamaxı” ilə matçda rəqib komandanın texniki zonasında qeyri-etik ifadə və ya hərəkətə görə 4 oyunluq diskvalifikasiya edib. “Sumqayıt” klubu isə baş məşqçinin hərəkətinə görə 10 min manat cərimələnib.
Bundan əlavə, “Sumqayıt” 5 futbolçusunun sarı vərəqə almasına görə 700 manat cərimə ödəyəcək.
XIII turun “İmişli” – “Sabah” oyununda azarkeşləri tərəfindən pirotexniki vasitədən istifadə edildiyinə görə meydan sahibləri 3000 manat ziyana düşüb. “Qəbələ” – “Araz-Naxçıvan” matçında isə meydan sahiblərinin futbolçusu Murad Musayev ikinci sarıdan qırmızı vərəqə aldığı üçün 1 oyunluq cəzalanıb. Onun hərəkətinə görə bölgə təmsilçisi 500 manat cərimələnib.
Qabil YUSİFOĞLUXQ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
