Oxumeni.az portalından əldə olunan məlumata əsasən, ain.az xəbər verir.
FTB Kapitolidəki partlayışlarda şübhəli bilinən şəxsi həbs edib
FTB 2021-ci ilin yanvar ayında Kapitoli yaxınlığında iki əldəqayırma partlayıcı qurğu yerləşdirməkdə şübhəli bilinən bir kişini həbs edib. Reuters bu barədə kəşfiyyat agentliyindəki öz mənbələrinə istinadən məlumat verir.
Agentlik müşahidə görüntülərində müəyyən edilmiş kişini axtarmağa təxminən beş il sərf edib və hətta onun tutulmasına kömək üçün 500.000 dollar təklif edib. 5 yanvar 2021-ci il tarixli görüntülərdə kişinin Demokratik Milli Komitə binasının qarşısındakı skamyanın yanında bomba yerləşdirdiyi görünür. O, həmçinin Respublikaçılar Partiyasının qərargahının yaxınlığında başqa bir partlayıcı qurğu qoyub. Hər iki yer Donald Tramp tərəfdarlarının 6 yanvarda basqın etdiyi Kapitoli binasının yaxınlığındadır.
Hüquq-mühafizə orqanı əməkdaşının sözlərinə görə, şübhəli həbs olunanda Virciniyada olub.
Ədliyyə Nazirliyinin sözçüsü Reuters-ə bildirib ki, "O, bizdədir".
Partlayıcı qurğuların özü Kapitoliyə hücum günü aşkar edilib. Cəmi üç bomba tapılıb: partiya qərargahlarının hər birində və Kapitoli kompleksində biri.
Əziz MUSTAFA
Daha ətraflı məlumat və yeniliklər üçün ain.az saytını izləyin.
