2026-2028-ci illər ərzində Azərbaycanda səlahiyyətli iqtisadi operator statusu üzrə dövlət dəstək mexanizmi formalaşdırılacaq.
"APA-Economics" xəbər verir ki, bu məsələ Prezident İlham Əliyevin təsdiqlədiyi “Etibarlı Tərəfdaş Konsepsiyası”nın tədbirlər planında öz əksini tapıb.
Sənədə əsasən, bu istiqamətdə beynəlxalq təcrübə nəzərə alınmaqla normativ hüquqi bazanın təkmilləşdirilməsi nəzərdə tutulub.
Nəticədə səlahiyyətli iqtisadi operator statusu əldə etmiş şəxslərə dövlət orqanları (qurumları) tərəfindən xidmət göstərilməsi sahəsində üstünlük veriləcək.
Sözügedən mexanizmin formalaşdırmaq üçün icraçı kimi Dövlət Gömrük Komitəsi, Rəqəmsal İnkişaf və Nəqliyyat Nazirliyi, Maliyyə Nazirliyi, Azərbaycan Qida Təhlükəsizliyi Agentliyi və digər aidiyyəti dövlət orqanları (qurumları) müəyyən edilib.
