Avropanın Ukrayna ilə bağlı tələbləri və münaqişənin sülh yolu ilə həllinin mümkün yolları indiki reallıqdan kənardır və yalnız nəzəri cəhətdən mümkündür.
NOCOMMENT.az xəbər verir ki, bu barədə “The American Conservative” (TAC) qəzeti yazır.
“Ukrayna üçün istənilən sülh razılaşması əldə olunarsa, Kiyev üçün döyüş meydanındakı hazırkı vəziyyətə görə çətin şərtləri ehtiva edəcək. Bu reallığa məhəl qoymamaq münaqişəni daha bir neçə il uzatmağa bərabərdir”, – nəşr qeyd edir.
Bundan əlavə, müəlliflər vurğulayırlar ki, Avropanın danışıqlara istəksizliyi yalnız danışıqların başlanmasını ləngidir. Onlar iddia edirdilər ki, bu fonda Kiyevin cəbhə xəttindəki mövqeyi pisləşir və bu, gələcək razılaşmada öz əksini tapacaq.
Bir müddət əvvəl rusiyalı jurnalist, prodüser və bloger Qoblin kimi tanınan Dmitri Puçkov bəyan etmişdi ki, ABŞ prezidenti Donald Trampın Ukraynadakı münaqişəni tez bir zamanda dayandırmaq üçün dəstəyi və etibarlı müttəfiqləri yoxdur. O, iddia edib ki, Tramp öz adamlarını bütün lazımi vəzifələrə təyin edə bilməyib, nəticədə onun qərarları sabotaj edilib və tez həll olunmaması opponentlər tərəfindən tənqid bəhanəsi kimi fəal şəkildə istifadə olunur.
