Azertag saytından əldə olunan məlumata görə, ain.az məlumat yayır.
Şəki, 8 dekabr, Mustafa Dadaşov, AZƏRTAC
Şəki Olimpiya İdman Kompleksində Ümummilli Lider Heydər Əliyevin anım günü ilə əlaqədar voleybol üzrə xatirə turnirinə start verilib. Şəki-Zaqatala Regional Gənclər və İdman İdarəsinin, Oğuz Regional Voleybol Klubunun birgə təşkilatçılığı ilə keçirilən yarışda 16 yaşadək oğlan və qızlardan ibarət 9 komanda mübarizə aparır.
Bu barədə AZƏRTAC-ın bölgə müxbirinə Şəki-Zaqatala Regional Gənclər və İdman İdarəsindən məlumat verilib.
Açılış mərasiminin əvvəlində Ulu Öndərin və şəhidlərin xatirəsi bir dəqiqəlik sükutla yad edilib. Sonra oyunlara start verilib.
Turnirin final oyunları dekabrın 11-də Zaqatala Olimpiya İdman Kompleksində keçiriləcək. Yarışın qalibləri kubok, medal və diplomlarla mükafatlandırılacaqlar.
-1 / 6
Daha ətraflı məlumat və yeniliklər üçün ain.az saytını izləyin.
