ain.az, Redaktor.az portalına istinadən məlumat yayır.
Ukraynanın Lvov vilayətində Avropadan qayıdan musiqiçilər və rəqqaslar hücuma məruz qalıb.
Redaktor.az xəbər verir ki, hadisə barədə “Politika Strany” nəşri məlumat yayıb.
İvan-Frankivsk Milli Mahnı və Rəqs Ansamblı “Gutsuliya”nın üzvləri Polşa və Finlandiyada keçirilən turnedən evə qayıtdıqdan sonra Şepitsk şəhərindəki dayanacaqda hücuma məruz qalıblar. Məlumata görə, avtobus dayanacaqda saxlanarkən, “psixoloji vəziyyəti qeyri-stabil” olan gənclər və qızlardan ibarət qrup avtobusa daxil olaraq musiqiçiləri döyüb, əşyaları dağıdıb.
Hücum nəticəsində musiqiçilər müxtəlif xəsarətlər alıb: burun sümüklərinin sınması, yüngül beyin silkələnməsi, əzələlərin zədələnməsi və sümüklərin yerindən çıxması. Zərərçəkənlər polisin hadisə yerində passiv qaldığını bildiriblər.
Nuriyyə NATİQQIZI
Hadisənin gedişatını izləmək üçün ain.az saytında ən son yeniliklərə baxın.
