ain.az, Demokrat.az portalından verilən məlumatlara əsaslanaraq xəbər verir.
“Bakıda 62 yaşlı ustanın tikintidən yıxılaraq ölməsi ciddi hüquqi məsələdir və işçi təhlükəsizliyi qanunlarının tətbiqini gündəmə gətirir”.Bunu hüquqşünas Aysel Süleymanova Demokrat.az-a açıqlamasında qeyd edib.O qeyd edib ki, işəgötürənlər işçilərin təhlükəsizliyini təmin etmək öhdəliyi daşıyırlar:“Tikinti sahəsində müvafiq təhlükəsizlik qaydalarına əməl edilməməsi işçi ölümünə yol açarsa, bu, həm cinayət, həm də inzibati məsuliyyət yarada bilər. Yaşlı işçilərin iş şəraiti xüsusi diqqət tələb edir və fiziki imkanlarına uyğun iş tapşırıqları verilməlidir. Hadisənin baş verməsində texniki nasazlıq, qoruyucu vasitələrin çatışmazlığı və ya təhlükəsizlik qaydalarının pozulması rol oynaya bilər. Belə hallarda işəgötürən və tikinti şirkətinin məsuliyyəti araşdırılmalı, qanunla müəyyən edilmiş tədbirlər görülməlidir. Həmçinin, işçilərə təhlükəsizlik üzrə təlimlərin keçirilməsi və iş şəraitinin normativlərə uyğunluğunun yoxlanması vacibdir. İşçinin ailəsi üçün kompensasiya və sosial təminatlar da qanunvericilikdə nəzərdə tutulur. Bu hadisə işçi təhlükəsizliyinin prioritet olduğunu bir daha göstərir və hüquqi tədbirlərin vacibliyini ön plana çıxarır. Əgər işçi ölümünə işəgötürənin diqqətsizliyi, təhlükəsizlik qaydalarının pozulması və ya qoruyucu vasitələrin təmin olunmaması səbəb olubsa, cinayət məsuliyyəti nəzərdə tutulur. Belə hallarda, cinayət məsuliyyətinə cəlb olunan şəxslər 3 ildən 7 ilədək azadlıqdan məhrumetmə cəzası ilə üzləşə bilərlər”.Leyla Turan
Demokrat.az
Hadisənin gedişatını izləmək üçün ain.az saytında ən son yeniliklərə baxın.
