İndiyədək "Azəri-Çıraq-Günəşli" yataqlar blokundan hasil edilən səmt qazının təxminən 60 mlrd. kubmetri dövlətə təmənnasız ötürülüb.
"APA-Economics" xəbər verir ki, bunu III Sənaye Təhlükəsizliyi Zirvəsində çıxış edən BP şirkətinin Xəzər regionu üzrə vitse-prezidenti Bəxtiyar Aslanbəyli bildirib.
Onun sözlərinə görə, Azərbaycanda fəaliyyəti zamanı BP-nin operatoru olduğu AÇG layihəsi çərçivəsində 4,5 mlrd. barel neft hasil olunub.
Bəxtiyar Aslanbəyli onu da qeyd edib ki, indiyədək "Şahdəniz" qaz-kondensat layihəsi çərçivəsində 257 mlrd. kubmetr qaz hasil olunub.
Vitse-prezident vurğulayıb ki, BP artıq 33 ildir Azərbaycanda çalışır və ölkədə apardığı əməliyyatları təhlükəsiz şəkildə həyata keçirir.
