Nazirlər Kabineti ortamüddətli dövr ərzində dövlət mülkiyyətində saxlanılacaq dövlət müəssisələrinin siyahısında dəyişiklik edib.
Paralel.az xəbər verir ki , bu barədə Baş nazir Əli Əsədov sərəncam imzalayıb.
Sərəncama əsasən, Heydər Əliyev adına İdman-Konsert Kompleksi, Olimpiya növləri üzrə Milli komandalar üçün Təlim-Məşq Mərkəzi MMC statusu alıb.
Bundan başqa, Bakı şəhər Gənclər və İdman Baş İdarəsinin Futbol üzrə İxtisaslaşdırılmış Olimpiya Ehtiyatları Uşaq Gənclər İdman Məktəbinin adı dəyişdirilərək Futbol üzrə İxtisaslaşdırılmış Uşaq-Gənclər Olimpiya Ehtiyatı Məktəbi, Gədəbəy Respublika Kompleks İdman Məktəbi Respublika Kompleks Uşaq-Gənclər İdman Məktəbi adlandırılıb.
Həmçinin Respublika Olimpiya Mərkəzi "Bakı Atletika Mərkəzi" MMC, Respublika Stend Atıcılığı üzrə İdman Kompleksi isə "Bakı Atıcılıq Mərkəzi" MMC kimi fəaliyyət göstərəcək.
