26 illik təcrübəyə malik klinik laboratoriya diaqnostikası həkimi Olqa Malinovskayanın sözlərinə görə, sadə və əlçatan qan testi ciddi xəstəliklərin diaqnozunda ilk addım ola bilər.
E-saglam.az xəbər verir ki, mütəxəssisin qeyd etdiyi kimi, sadə laboratoriya müayinələri həkim üçün vacib məlumatlar verə bilər. Məsələn, tam qan testi iltihabi prosesləri, allergik reaksiyaları, anemiyanı və ya hətta hematoloji pozğunluqları, o cümlədən xərçəngi göstərə bilər.
Biyokimyəvi analiz daxili orqanların vəziyyətini qiymətləndirməyə kömək edir: məsələn, yüksək qlükoza səviyyəsi diabet riskini göstərə bilər, anormal lipid profilləri isə aterosklerozun inkişafını göstərir. Bu parametrlərdəki dəyişikliklər həm də mümkün qaraciyər və böyrək problemlərindən xəbər verir.
Həkim vurğuladı ki, yalnız bir mütəxəssis test nəticələrini şərh etməli və diaqnoz qoymalıdır, çünki normadan çıxmalar həmişə patologiyanı açıq şəkildə göstərmir.
Tərcümə: Könül Oruc
E-saglam.az
