Keçən il olduğu kimi, bu il də evin içərisi su ilə dolub.
NOCOMMENT.az xezerxeber.az-a istinadən xəbər verir ki, söhbət paytaxtın Xəzər rayonu, Qala qəsəbəsindən gedir.
Yağış suları həm evləri, həm də küçələri basıb. Ərazidə yaşayanlar illərdir müvafiq qurumlara müraciə etsələr də, məsələ hələ də öz həllini tapmır. Hər dəfə yağış yağanda sakinlərə ciddi maddi ziyan dəyir.
Çəkiliş apardığımız zaman məktəbdən qayıdan şagirdlərin evlərinə getmək üçün necə əziyyət çəkdiklərinin də şahidi olduq.
Məsələ ilə əlaqədar Xəzər Rayon İcra Hakimiyyətindən bildirildi ki, sözügedən ərazidə 5 müxtəlif nöqtədə nasos quraşdırılmaqla qrunt və yağış sularının kənarlaşdırılması həyata keçirilir.
İri Şəhərlərin Birləşmiş Su Təchizatı Xidmətindən bildirildi ki, qeyd olunan ərazidə Xidmətin mərkəzləşmiş tullantı su şəbəkəsi mövcud deyil. Şəbəkə olmayan ərazilərdə, qeyd olunan ünvan da daxil olmaqla agetnliyin sifarişi ilə təchizatın qurulması məqsədilə müvafiq layihə sənədləri hazırlanıb. Yaşayış məntəqələrində tullantı su şəbəkəsinin inşası tədbirlər planına uyğun olaraq mərhələlərlə aparılır.
Xezerxeber.az mövzu ilə bağlı daha ətraflı videomaterialı təqdim edir.
