2025-ci ilin yanvar-noyabr aylarında dövlət büdcəsinin icrasında müsbət dinamika müşahidə olunub.
Bu barədə Maliyyə Nazirliyindən məlumat verilib.
Bu dövrdə xəzinədarlıq orqanları tərəfindən 1 436 000-dən çox ödəniş tapşırığı icra edilib, dövlət büdcəsinin gəlirləri isə yüksək səviyyədə yerinə yetirilib.
Qeyd olunub ki, bu ilin yanvar-noyabr ayları ərzində konsolidasiya edilən büdcə gəlirləri 43,9 milyard manat təşkil edib ki, bu da 11 aylıq proqnozdan 2,5 milyard manat və ya 6,1% çoxdur.
Eyni dövrdə dövlət büdcəsinin gəlirləri 35,6 milyard manat təşkil edib ki, bu da 11 aylıq proqnozdan 324,6 milyon manat və ya 0,9 faiz çoxdur.
İqtisadiyyat Nazirliyi yanında Dövlət Vergi Xidmətindən daxilolmalar 15,3 milyard manat təşkil edib ki, bu da proqnozdan 745,5 milyon manat (5,1%) çoxdur;
İqtisadiyyat Nazirliyi yanında Dövlət Əmlak Xidməti vasitəsilə 41,6 milyon manat vəsait daxil olub ki, bu da proqnozdan 10,2 milyon manat (32,5%) çoxdur;
