BAKI, TurkicWorld, Orxan Qədirzadə
İsrail Hərbi Hava Qüvvələri cümə günü Livanın cənub və şərq bölgələrinə hava zərbələri endirib. TurkicWorld-un məlumatına görə Livanın dövlət xəbər agentliyi NNA bildirir ki, hücumlar təxminən 10 ayrı ərazini əhatə edib və bəzi zərbələr İsrail sərhədindən 30 kilometr məsafədə qeydə alınıb.
İsrail ordusu yaydığı açıqlamada zərbələrin “Hizbullah mövqelərini” hədəf aldığını bəyan edib.
Qeyd olunur ki, bu hücumlar 2024-cü ilin noyabrında Livanla bağlı elan edilmiş atəşkəsdən sonra İsrailin həyata keçirdiyi ilk zərbələr deyil. Sözügedən atəşkəs İranın dəstəklədiyi Hizbullah ilə bir ildən artıq davam edən silahlı qarşıdurmanın dayandırılması məqsədi daşıyırdı.
Buna baxmayaraq, İsrail hazırda Livan ərazisində beş strateji mövqedə hərbi mövcudluğunu saxlayır və hücumlarını davam etdirir.
