Noyabr ayında ABŞ Xüsusi Təyinatlı Qüvvələri Çindən İrana gedən bir gəminin yükünü müsadirə edib.
Bu barədə 12 dekabrda “The Wall Street Journal” (WSJ) mənbələrinə istinadən məlumat yayıb.
Məlumata görə, ABŞ Xüsusi Təyinatlı Qüvvələrinin əməkdaşları gəmiyə Şri-Lanka sahillərində olarkən miniblər.
Nəşr iddia edir ki, gəmidə ikili təyinatlı mallar olub. ABŞ kəşfiyyatının məlumatına görə, yükün Tehranın raket proqramı üçün komponentlərin alınmasında ixtisaslaşmış İran şirkətlərinə göndərildiyi iddia edilir.
“The Wall Street Journal” əlavə edib ki, mallar müsadirə edildikdən sonra gəmi yoluna davam edib.
