Kolumbiyanın şimal-qərbində baş verən məktəb avtobusu qəzasında ən azı 16 nəfər ölüb, təxminən 20 nəfər yaralanıb.
"Unikal" xəbər verir ki, təhsil müəssisəsinin məzunlarını daşıyan tur avtobusu idarəetməni itirərək yoldan çıxaraq dərəyə düşüb. Təxmini hesablamalara görə, qəza zamanı avtobusda olan insanların sayı 35 ilə 45 arasında olub.
Əvvəlcə regional mənbələr ən azı 16 nəfərin öldüyünü və 19 nəfərin yaralandığını bildirib. Hakimiyyət orqanları son ölənlərin sayının hələ təsdiqlənmədiyini dəqiqləşdirib. Onlarla yaralı Seqoviya və Remedios şəhərlərindəki xəstəxanalara çatdırılıb.
