Elmlər Akademiyasında “Milli hökumət 80” elmi konfransı

Turkstan.az portalından verilən məlumata əsasən, ain.az bildirir.

Azərbaycan Milli Elmlər Akademiyası Nizami Gəncəvi adına Ədəbiyyat İnstitutu Cənubi Azərbaycan ədəbiyyatı şöbəsi Seyid Cəfər Pişəvərinin rəhbərliyi altında yaradılmış Milli Hökumət və Demokratik Firqənin 80 illiyinə həsr olunmuş elmi konfrans keçirib. Konfransda institutun əməkdaşları, müxtəlif ali məktəb və tədqiqat institutlarının nümayəndələri, İranlı Mühacirlər Cəmiyyətini təmsil edən qonaqlar iştirak etmişlər.

Cənubi Azərbaycan ədəbiyyatı şöbəsinin müdiri, filologiya elmləri doktoru Rəhim Əliyev konfransı açaraq, Azərbaycan Milli Hökumətinin mövcud olduğu şərəfli və ziddiyyətlərlə dolu tarixi dövr (1945-1946-cı illər) və 21 Azər Hərəkatının əhəmiyyəti haqqında geniş çıxış etdi. Konfrans iştirakçılarının diqqətinə çatdırıldı ki, 2025-ci ili bütövlükdə Milli Hökumətin və onun fəaliyyətinin 80 illik yubiley ili kimi qeyd etməyi qarşısına məqsəd qoymuş Cənubi Azərbaycan ədəbiyyatı şöbəsinin əməkdaşları il ərzində bu məqsədlə bir neçə sanballı tədqiqat və tərtib kitabı, elmi və publisistik məqalələr hazırlayaraq, nəşr etdirmişlər. Milli Hökumətin əsas siyasi sənədlər toplusu olan “Qızıl səhifələr” kitabı (“Elm” nəşriyyatı, 2025) o dövrün tarixi gerçəkliklərini bütün çılpaqlığı ilə özündə əks etdirir. Eyni zamanda, xalq yazıçısı – Milli Hökumətin rəhbərlərindən olmuş Mirzə İbrahimovun həmin illər ərzində gizli imza altında yazıb çap etdirdiyi məqalələrin öz əksini tapdığı “Mirzə İbrahimov. Gizli imzalı məqalələr. Təbriz - 1945” kitabı da bu baxımdan olduqca böyük əhəmiyyət daşıyır. Kitabın rəyçisi, xalq şairi Sabir Rüstəmxanlının Önsözü ilə açılan topluya, layihənin müəllifi, eyni zamanda elmi redaktoru Rəhim Əliyevin “Mirzə İbrahimov “Azərbaycan” qəzetində (1945-1946)” adlı geniş araşdırma yazısı daxil edilmişdir.

Şöbə müdirinin çıxışı geniş müzakirələrlə davam etdi. Bakı Slavyan Universiteti Regionşünaslıq kafedrasının müdiri, filologiya üzrə fəlsəfə doktoru, iranşünas İbrahim Quliyev, Xarici Dillər Universitetinin müəllimi, filologiya üzrə fəlsəfə doktoru, yazıçı-tərcüməçi Loğman Rəşidzadə, rejissor Natiq Cavadzadə və başqalarınn Milli Hökumət dönəmi, S.C.Pişəvəri və 21 Azər Hərəkatının müxtəlif məqamlarını özündə əks etdirən çıxışları maraqla qarşılandı.

Məruzələr panelində fil.e.d., baş elmi işçi Pərvanə Məmmədlinin “Milli Hökumət dövründə yaranmış ədəbiyyatda yeni meyllər”, fil.e.d., baş elmi işçi Esmira Fuadın “Əli Tudənin xatirələrində Milli Hökumət dönəmi hadisələrinə münasibət”, fil.f.d., aparıcı elmi işçi Mahmizər Mehdibəyovanın “Mirzə İbrahimov publisistkasında Milli Hökumət mövzusu”, fil.f.d., aparıcı elmi işçi İlham Məmmədlinin “S.C.Pişəvəri və Milli Hökumət” mövzusunda məruzələri dinlənildi.

Sonra söz qonaqlara verildi. İranlı Mühacirlər Cəmiyyətininin nümayəndələri – cənubşünas, milli fəal Yədulla Kənani, jurnalist Güləddin İsmayılov, İranlı Mühacirlər Ədəbi Birliyinin sədri, şair-tədqiqatçı Tariyel Ümid, Nasir Məmmədov, müstəqil jurnalist Namiq Hüseynov və digər qonaqlar Seyid Cəfər Pişəvərinin rəhbərliyi altında yaradılmış Milli Hökümətin tarixi əhəmiyyətindən danışdılar, 80 illiyi qeyd olunan həmin möhtəşəm dövrün keşməkeşli hadisələrini və qanlı faciələrlə müşayət olunan 21 Azər Hərəkatının başvermə səbəblərini açıqladılar. Y.Kənani İranlı Mühacirlər Cəmiyyətinin “Milli Hökumət-80” layihəsi çərçivəsində nəşr etdirdiyi iki kitabı Cənubi Azərbaycan ədəbiyyatı şöbəsinə hədiyyə etdi.

Konfransı lentə alan GünAz.TV-nin əməkdaşı Rizvan Əhmədova minnətdarlığını bildirən R.Əliyev, tədbir iştirakçılarının nəzərinə çatdırdı ki, Cənubi Azərbaycan ədəbiyyatı şöbəsinin hazırlayıb nəşr etdirdiyi daha bir kitab dünyaca məşhur GünAz.TV (Güney Azərbaycan Televiziyası)-nin təsisçisi və rəhbəri – fədakar vətənpərvər ziyalı, parlaq ictimai-siyasi xadim Əhməd Obalının seçilmiş çıxış və məqalələrinin toplandığı “Əhməd Obalı. Bir Yol, bir Bayraq” kitabıdır. Milli Azadlıq Hərəkatının mücahidlərindən olan bu görkəmli şəxsiyyətin həyat və mübarizə yolu bugünkü gəncliyimiz üçün əsl nümunədir.

Bu da qeyd olunmuşdur ki, şöbə əməkdaşlarının gərgin səyi nəticəsində, həm il ərzində nəşr edilmiş kitablar haqqında, həm də Güney Azərbaycanın ictimai-sosial, ədəbi və mədəni həyatının tanınmış nümayəndələrinin həyat və yaradıcılığını, folklor mühitini özündə əks etdirən araşdırma və tədqiqat əsərləri çap etdirilərək, geniş ictimaiyyətə təqdim olunmuşdur.

Şöbənin aparıcı elmi işçisi, filologiya üzrə fəlsəfə doktoru, şair Qiymət Məhərrəmli görkəmli dövlət xadimi, böyük yazıçımız Mirzə İbrahimovun şəxsi təşəbbüsü və rəhbərliyi ilə yaradılmış Cənubi Azərbaycan ədəbiyyatı şöbəsində professor R.Əliyevin rəhbərliyi altında tədqiqat işlərinin indi də uğurla davam etdirildiyindən, bu gün baş tutan elmi konfransın keçirilməsinin də elə bu məqsədə xidmət etdiyindən danışaraq, “Can Təbriz” şeirini səsləndirdi.

Sonda Rəhim Əliyev konfrans iştirakçılarına təşəkkür edərək, bundan sonra da Milli Hökumət nümayəndələrinin işıqlı xatirəsinin əziz tutulacağını, qoyduqları şərəfli tarixi yolun təbliği istiqamətində mühüm işlər görülməsi məqsədilə aparılan tədqiqatları daha da genişləndirəcəklərini bildirdi.

Facebook

Twitter

OXŞAR XƏBƏRLƏR

“Səksənə çatanda səksənir hamı...” - Ramiz Rövşəndən özünə şeir - VİDEO

15 Dekabr 00:27

Mədəniyyət Nazirliyi qrant müsabiqəsinin nəticəsini AÇIQLADI - Qalib 54 QHT-nin SİYAHISI

14 Dekabr 21:49

“Uşaqlığın son gecəsi”nin Zaurunun acı sonu – Evində görün necə tapılıb

14 Dekabr 12:59

İlk qadln yazıçımız: Səkinə Axundzadə - 160

12 Dekabr 21:58

Yazıçı, publisist Natiq Məmmədlinin “Sev” romanının təqdimatı olub

12 Dekabr 14:33

Səfirlik “Memarlıq və Qadınlar” adlı müsabiqə təşkil edib -FOTO

11 Dekabr 14:31

Afaq Həbibinin “Harmoniya”sı - SOLO SƏRGİ

9 Dekabr 14:15

Nizami Gəncəvinin “Leyli və Məcnun” əsəri Türkiyə türkcəsində nəşr olunub

9 Dekabr 14:12

“Məhsəti Gəncəvi çempion olub” – Şeyx Əbdüldən ilginc fakt

8 Dekabr 14:38

Qazax şairinin “Qarabağ” poeması “İlin ən yaxşı kitabı” seçilib

8 Dekabr 12:19

“Susaraq danışan şair”in yeni kitabı çıxıb

8 Dekabr 11:09

Məhsətiyə daş atanların qaranlıq üzü

7 Dekabr 12:50

“Onlar rəqs etmək, sərxoş olmaq, sevişmək və yaratmaq istəyirdilər” – “Məhsəti” danışdı

6 Dekabr 11:12

“Məshətinin şeirlərini oxumaq üçün gərək üç nöqtədən istifadə olunsun” - Filoloq-alim

5 Dekabr 12:44

Əbülfəs Qarayevin qızı Azərbaycan mədəniyyətini niyə təhqir edir?

4 Dekabr 23:35

Məhsəti Gəncəvini əxlaqsız çıxaran eks-nazir qızı kimdir? - DOSYE

4 Dekabr 16:58

Əbülfəs Qarayevin qızı Məhsəti Gəncəvini əxlaqsız kimi təqdim edibmiş

4 Dekabr 15:00

Bu şəxslərə 4000 manat veriləcək - SİYAHI

27 Noyabr 14:26

REKLAM SAHƏSİ

MANŞET XƏBƏRLƏRİ

“Mənə yaxşı baxırlar, hökumət də, məhkəmə də sağ olsun” - Karen Avanesyan

10:59

Lirə sürətlə dəyər itirir: Azərbaycan bazarına NECƏ TƏSİR EDƏCƏK?

10:11

Azərbaycanda belə dəfn mərasimləri qadağan edilə bilər? – Erməni detalı

09:21

Qafanda Azərbaycan bayrağı qaldırılıb – VİDEO

15 Dekabr 16:40

İslam Rzayev işsiz və aztəminatlı şəxslərin pulunu mənimsəyibmiş

15 Dekabr 12:22

Kimlərə iki dəfə çox maaş ödəniləcək? - AÇIQLANDI

15 Dekabr 10:43

SON XƏBƏRLƏR

Neft kəskin ucuzlaşdı – 20 ayın ən aşağı göstəricisi