Mauro İkardinin “Qalatasaray”dakı gələcəyi qeyri-müəyyən olaraq qalır.
İdmanxeber.az xəbər verir ki, müqaviləsi yayda başa çatacaq argentinalı hücumçunun La Liqaya keçmək istədiyi iddia olunur. Belə ki, futbolçunun meneceri “Elçe” və “Real Ovyedo” ilə ilkin təmaslar qurub.
Qeyd edək ki, 32 yaşlı forvard “Qalatasaray” forması ilə Super Liqada 59 qol vuraraq Georgi Haci ilə eyni göstəriciyə çatıb və daha 3 qol vuracağı təqdirdə klub tarixində rekordçu olacaq.
