Günəşdə planetimizdə kiçik geomaqnit pozuntularına səbəb ola biləcək yeni bir tac dəliyi kəşf edilib.
Publika.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyasının "Telegram" kanalında məlumat verilib.
Mütəxəssislər qeyd ediblər ki, bu formalaşma qeyri-adi konfiqurasiyaya malikdir və artıq geomaqnit şəraitinə qismən təsir göstərib. Ötən həftənin sonunda bu fenomen Yerin maqnit sahəsində qısamüddətli dalğalanmalara səbəb olub.
Gözlənilir ki, 17 və 18 dekabr tarixlərində planetimiz bu tac dəlikdən çıxan həyəcanlı günəş küləyinin ikinci dalğasının təsirinə məruz qalacaq. Təsirin detalları hələ dəqiqləşdirilir, lakin mütəxəssislər hadisələrin ən ehtimal olunan inkişafı kimi G1 səviyyəli zəif maqnit fırtınasını göstərirlər.
