Nizami Gəncəvi Beynəlxalq Mərkəzi 2026-cı ildə Bakıda keçiriləcək Ümumdünya Şəhərsalma Forumunun (WUF13) tərəfdaşı olacaq və Ər-Riyadda aparılan müzakirələr çərçivəsində Forumun hazırlıqları, birgə əməkdaşlıq imkanları barədə fikir mübadiləsi aparılıb.
Aznews.az xəbər verir ki, Ər-Riyadda dayanıqlı şəhərsalma və urbanizasiya mövzuları müzakirə olunub.
Tematik sessiyalarda səsləndirilən fikirlərdə urbanizasiyanın yaratdığı çağırışlara, şəhərlərin sosial, iqtisadi və mədəni baxımdan dayanıqlı inkişafının vacibliyinə, eləcə də inklüziv və insan mərkəzli şəhər mühitlərinin formalaşdırılmasının əhəmiyyətinə xüsusi diqqət yetirilib.
