Vətəninfo.az xəbər verir ki, İraqda növbəti baş nazirin seçilməsi ilə bağlı müzakirələr intensivləşib. Milli Müdriklik Hərəkatının üzvü Ömər əs-Səmrayi bildirib ki, hazırda baş nazir postuna dörd tanınmış namizəd diqqət mərkəzindədir və onların hamısı dövlət qurumlarında rəsmi vəzifə tutur.
Məlumata görə, baş nazir vəzifəsinə mümkün namizədlər arasında Məhəmməd Şia əs-Sudani, Nuri əl-Məliki, Heydər əl-Abdi və Mustafa əl-Kazimi var.
Əs-Səmrayinin dediklərinə əsasən, siyasi dairələrdə ardıcıl görüşlər keçirilir və namizədlər üçün əsas meyarlar müəyyənləşdirilir. Bu meyarlara aydın iqtisadi baxış, işlək idarəetmə planı və İraqın maraqlarına xidmət edən balanslı xarici siyasət daxildir. O vurğulayıb ki, namizədlər arasında ayrı-seçkilik yoxdur və eyni şərtlər hamıya tətbiq olunur.
