Bir ay oynaya bilməyəcək

“İnter”in heyətində ciddi itki baş verib.

"Football-plus.az" xəbər verir ki, müdafiəçi Françesko Açerbi sıradan çıxıb.

İtaliyalı futbolçu Çempionlar Liqasının liqa mərhələsinin 6-cı turunun “Liverpul”la matçında (0:1) zədələnib. 37 yaşlı mərkəz müdafiəçisi bir ay yaşıl meydanlardan uzaq qalacaq.

Açerbi bu mövsüm “İnter”in heyətində 14 oyuna çıxıb və 1 məhsuldar ötürmə edib.